Nazam Rasulullah Sallallahu'Alaihi Wasallam

Nazam Rasulullah  (Basa Aceh )

لَمْ يَحْتَلِمْ قَطُّ طَهَ مُطْلَقًا أَبَدًا

Nabi han tom neumeulumpoe

Malam uroe seulama-lama

وَمَا تَثَائَبَ أَصْلًا فِى مَدَى الزَّمَنِى

Meuseumeunguep nabi pihtan

Nibak jameun sepanjang masa

مِنْهُ الدَّوَابُ فَلَمْ تَهْرُبْ وَمَا وَقَعَتْ

Binatang kleud hantom jiplueng

Jimeutemeung ngon maulana

ذُبَابَةٌ أَبَدَا فِى جِسْمِهِ الْحَسَنِ

Lalat nyamok pihantom roh

NIbak tuboeh yang mulia

بِخَلْفِهِ كَأَمَامِ رُؤْيَةٌ ثَبَتَتْ

Keue ngon likot deuh neukalon

Hana teusom bak maulana

وَلَايُرَى أَثْرُ بَوْلٍ مِنْهُ فِى عَلَنِ

Neutoh iek ek beukasan tan

Wajeb taulan ta peucaya

وَقَلْبُهُ لَمْ يَنَمْ وَالْعَيْنُ قَدْ نَعَسَتْ

Hate nabi han tom teungeud

Yang na teuped dua mata

وَلَايُرَى ظِلُّهُ فِى الشَّمْسِ ذُو فَطَنِ

Meubayang tan dalam uroe

Hireuen laloe takalon rupa

كَتْفَاهُ قَدْ عَلَتَا قَوْمًا إِذَا جَلَسُوْا

Watee neuduek lam kawan lee

Manyang baho dimaulana

عِنْدَ الْوِلَادَةِ صِفْ يَاذَا بِمُخْتَتَنِ

Yoh wiladah tan meuligan

Kalheueh khatan yoh masa na

هَذِىِ الْخَصَائِصُ فَاحْفَظْهَا تَكُنْ آمِنَا

Yang siploh nyoe sifeuet nabi

Wajeb turi tuha muda