loading...

Hikayat Aneuk Glueh

Aneuk glueh
Hikayat Aneuk GluehBacut loen rawi hadis nabi ulon peugah
Bak sihari u blang nabi Neumeulangkah
Na sikeujap sinan teutap pang ulee Nabi
Deuh neukalon saboh kawom biek yahudi
Di yahudi ji peureugi masok hutan
Nabi kalon saboh taroen preh di sinan
Antara taroen deungon nabi hana jioh
Glueh lam uteun keunan jiplung lam taroen roh
Ji meulawan keudeh keunoe pih hanleuh le
Sira jimo jingadu droe u bak Nabi
Ya habibi ya Maulana ya Muhammad
Gaseh sayang loen binatang ka meukeumat
Neupeuleuh lon hai pang ule siat lon wo
Sayang raya aneuk dua ban ceh baro
Sayang raya aneuk dua ulon keubah
Oh noe uroe golom lon woe saleh deuk grah
Neulakee lon hai pang ulee bak yahudi
Droeneuh lake ka meuteunte meuhat jibri
Peuleuh siat glueh lam ikat bak jijak woe
Jikheun bak lon aneuk dua banceh baroe
Di yahudi jimeupakat sekalian
Bah tapeuleuh binatang nyoe jiwoe rijang
Meunyoe beutoi muhammad nyoe Rasul Tuhan
Glueh tapeuleuh teunte keunoe lom jiriwang
Seu-ot sidroe dalam kawan bukon meunan
Bak lon sidroe binatang nyoe bah le meunan
Padum na hek susah payah ta let bunoe
Teuma ‘oh roh tajak peuleuh padum rugoe
Glueh jipeuleuh sigra-sigra laju jiwoe
Troh bak aneuk meusok-meusok sare jimoe
Wahe aneuk tangkee hatee dua sikarang
Ka beudoh laju jak mom susu rijang-rijang
Di ma kadang jadeh mate bak uroenyoe
Mak meujanji deungon nabi sideh bunoe
Bak lon jak dalam uteun mita raseuki
Taron jiteun hana lon nging le yahudi
Seu-ot aneuk hana lon mom ma meutuwah
Droeneuh meujanji deungon nabi neujak peuglah
Keu susu kamoe ie kubang kamo jak mita
Na ie calok pat meurumpok meujep sigra
Putoh hatee lalu ilee ngon ie mata
Jingieng aneuk mantong mirah nyan bandua
Bukon sayang bungoeng mancang keunong uroe
Hate luka lon ngieng gata e aneuk droe
Neujak laju wahee poma beuseulamat
Saleum kamo wahee mak droe keu Muhammad
Glueh diriwang sigra laju nibak rasul
Troh bak taroen kajisok droe nibak takue
Dum yahudi sekalian teuhah babah
Bit Muhammad sebenarnya rasul Allah
Geutanyoe mandum bak uroenyoe ta iseulam
Bit muhammad sebenarnya rasul tuhan.

Hikayat Aneuk Glueh Rating: 4.5 Diposkan Oleh: Abu sigly Ahlussunnah waljamaah